Unicode

၁။ မပြတ်မသားပြောဆိုသူကို မျက်လုံး တည့်တည်စိုက်ကြည့်ပါ။
တစ်ခါတစ်ရံမှာ တစ်ဖက်သားကရှင်းရှင်းလင်းလင်းမပြောတဲ့အခါ ကိုယ်နားမလည်တဲ့ကိစ္စတစ်ခုကို
ပြန်မေးဖို့ဝန်လေးတတ်ကြပါတယ်။ ဒီလိုအချိန်မှာ မေးခွန်း တစ်ခုတည်းကို ထပ်တလဲလဲပြန်မေးနေမယ့်အစား
တစ်ဖက်သူရဲ့မျက်လုံးကို တည့်တည့်စိုက်ကြည့်နေလိုက်ပါ။ ဒီအပြုအမူဟာ တစ်ဖက်သား ကိုဖိအားပေးရာ
ရောက်ပြီး ဖြေရှင်းထုတ်ဖို့တွန်းအားပေးပြီးသားဖြစ်သွားပါလိမ့်မယ်။

၂။ အော်ဟစ်ပြောဆိုခံရချိန်မှာ တည်ငြိမ်မှုရှိပါ။
တည်ငြိိမ်မှုရှိစွာနေနိုင်ဖို့လိုအပ်ပါတယ်။ တစ်ဖက်သား က ဒေါသကြောင့်အော်ဟစ်ပြောဆိုနေချိန်မှာ ကိုယ့်စိတ်ကပါ သူနဲ့အတူမြောပါမသွားအောင်ထိန်းသိမ်းရပါမယ်။ ဒေါသစိတ်ဟာ ကြီးမားရင်ကြီးမားသလောက် နောင်တရစေပါတယ်။
အရင်ဆုံးဒေါသထွက်သူဟာ အရင်ဆုံးတောင်းပန်ရသူပဲဖြစ်ပါတယ်။

၃။ ရန်လိုတိုက်ခိုက်တတ်သူနှင့် အနီးဆုံးမှာနေပါ။
ကိုယ်နဲ့မတည့်သူကို အစည်းအဝေးခန်းမထဲမှာတွေ့လို့ ဘယ်လိုရှောင်ရမလဲစဉ်းစားရခက်နေပါသလား။
ဘေးချင်းကပ်သာဝင်ထိုင်လိုက်ပါ။ မလှမ်းမကမ်းနေရာမှာသာရှိမယ်ဆိုရင် ဆွေးနွေးမှုတွေမှာ ကိုယ့်ကိုဦးတည်ပြီး
အကြပ်ရိုုက်စေမယ့်အခွင့်အရေးပေးလိုက်သလိုဖြစ်သွားပါလိမ့်မယ်။ သူ့ဘေးနားမှာ ထိုင်ရတာအဆင်မပြေဖြစ်တဲ့အတွက်လည်းစိတ်မပူပါနဲ့ ။ သူလဲဒီလို ကသိကအောက်ဖြစ်နေတာနဲ့ပဲ သင့်ကိုရန်ရှာဖို့မေ့နေမှာပါ။

၄။ လူချစ်လူခင် များချင်ရင် နာမည်တွေကိုမှတ်ထားပါ။
နာမည်အပြည့်အစုံမဟုတ်တောင် အဖြားစွတ်ခေါ်ပြီးနှုတ်ဆက်လိုက်ခြင်းက တစ်ဦးနှင့်တစ်ဦး ပိုမိုရင်းနှီးစေမှာပါ။

၅။ ပူပင်သောကတွေနဲ့ စိတ်ဖိစီးမှုတွေကို ချရေးပါ။
ချရေးလိုက်ခြင်းက တစ်စုံတစ်ယောက်ကိုရင်ဖွင့်ပြောဆိုလိုက်ရသလို အကျိုးသက်ရောက်မှုရှိပါတယ်။
ဒီလိုရင်ဖွင့်ချရေးပြီးတဲ့နောက်မှာ အလုပ်တွေကို ပိုမိုအာရုံစိုက်နိုင်လာတာကိုလဲ တွေ့ရမှာဖြစ်ပါတယ်။

၆။ ဆုံးဖြတ်ရခက်တဲ့ အနေအထား မှာ ရွေးချယ်စရာတွေကိုလျှော့ချပါ။
ရွေးချယ်စရာများတာက ကောင်းပါတယ်။ ဒါပေမယ့် တစ်ပြိုင်နက်တည်းမှာပဲ ဆုံးဖြတ်ရခက်အောင် တွေဝေစေပါတယ်။
အမှန်ကန်ဆုံးဆုံးဖြတ်ချက်တစ်ခုကိုချမှတ်နိုင်ဖို့ ရွေးချယ်စရာ ၄ ခုထပ်မပိုပါစေနဲ့။

၇။ ကိုယ်နေဟန်ထားမှန်ကန်အောင်နေပါ။
ခပ်မတ်မတ်ကိုယ်နေဟန်ထားက ခန္ဓာကိုယ် ရဲ့ကောက်ကြောင်း အလှကိုပေါ်လွင်စေရုံသာမက
မိမိကိုယ်ကိုယုံကြည်မှုတိုးပွားစေပါတယ်။ စိတ်ကိုလည်းလန်းဆန်းစေပြီးတော့ ထက်မြက်သူတစ်ယောက်အသွင်ကိုဆောင်ပါတယ်။

၈။ ကျောက်တုံး ကတ်ကြေး စက္ကူ ကစားနည်းမှာ အနိုင်ရမယ့်နည်းလမ်း
ဒီကစားနည်း ကိုမကစားခင်မှာ တစ်ဖက်လူကို ကြုံရာမေးခွန်းတစ်ခုမေးလိုက်ပါ။ ဒီလိုမေးလိုက်ခြင်းအားဖြင့်
တစ်ဖက်လူကိုစိတ်ရှုပ်ထွေးသွားစေပြီး ကတ်ကြေးကိုသာ သူရွေးချယ်တော့မှာပဲဖြစ်ပါတယ်။

၉။ အကူအညီတောင်းချိန်မှာ တစ်ဖက်လူကိုလိုအပ်နေကြောင်းသိအောင်ပြောပါ။
တစ်စုံတစ်ယောက်ကိုအကူအညီတောင်းဖို့အတွက်ကို စကားပုလ္လင်အများကြီးခံပြီး ဖွဲ့နွဲ့ပြောဖို့မလိုပါဘူး။
ငါတော့မင်းရဲ့အကူအညီလိုအပ်နေပြီ လို့ရိုးရှင်းစွာအကူအညီတောင်းခံလိုက်ပါ။ ဒီလိုစကားစပြီးမှ အကူအညီတောင်းတာကလက်ခံပေးနိုင်ချေပိုများပါတယ်။

၁၀။ လက်ဆွဲ မနှုတ်ဆက်ခင်မှာ လက်ကိုအရင်ဆုံးနွေးထွေးအောင်လုပ်ပါ။
ဇောချွေးပြန်နေသောလက် သို့မဟုတ် အေးတိအေးစက်လက်တွေဟာ နှစ်သက်စရာမကောင်းပါဘူး။
ဒါ့ကြောင့် တစ်စုံတစ်ယောက်နဲ့လက်ဆွဲမနှုတ်ဆက်ခင်မှာ နွေးထွေးအောင် လက်ဝါးချင်း ပွတ်ပြီးတော့ ပြုလုပ်ပေးသင့်ပါတယ်။နွေးထွေးတဲ့လက်ဖဝါးတစ်စုံဟာ နွေးထွေးတဲ့စိတ်ဓာတ်ကိုကိုယ်စားပြုပါတယ်။

Credit :Hnin Pwint ( Myanmar Leaders )