Unicode

သင်၏ အင်္ဂလိပ် မွေးရက် မွေးလ မွေးနှစ် တို ့တွင် ပါ၀င်သော ဂဏန်းများ၏ သဘောသဘာဝကို ဖတ်ရှူလေ့လာနိုင်ပါသည်။ တူညီသော ဂဏန်း တလုံး နှစ်လုံး သုံးလုံး လေးလုံး စသည်ဖြင့် ပါ၀င်မှူအလျှောက် အကျိုးသက်ရောက်မူကို ဖတ်ရှူနိုင်ပါသည်။

(၁) ဂဏန်း
သင်၏အင်္ဂလိပ်မွေးသက္ကရာဇ်တွင် 

(1)ဂဏန်း ၁ လုံးပါသူများ။
အရေးထက် အပြောပိုကောင်း၏ ။ သူတစ်ပါး၏ အမြင်ကို ဂရုမစိုက်တတ်။ စကားအလွန်သွက်၏ ။ ဤ သူမျိုး၏ စကားသည် ရင်ထဲကမလာ။ ။

သင်၏အင်္ဂလိပ်မွေးသက္ကရာဇ်တွင်
(1)ဂဏန်း ၂ လုံးပါသူများ။(၁) လုံးပါသူ၏ အပြုအမူအားလုံး။ သူတစ်ပါး၏အမြင်ကို နားလည်တတ်သူဖြစ်၏ ။ သူတစ်ပါး၏ အပြုအမူကို အတုခိုး၏ ။ ဤအရည်အချင်းသည် ကောင်းမြတ်သောအရည်အချင်းဖြစ်၏ ။ မျှမျှတတပြုသူဖြစ်၏ ။ မှန်မှန်ကန်ကန် အရည်အချင်းကိုသုံးပါက အလွန်အကျိုးရှိ၏။

သင်၏အင်္ဂလိပ်မွေးသက္ကရာဇ်တွင် 
(1)ဂဏန်း ၃ လုံး ပါသူများ။ 
စကားလုံး၊ စာအရေးအသားသုံးသပ်မှု ကျွမ်းကျင်သော အရည်အချင်းရှိ၏ ။ လက်ခံစိတ်ဝင်စားနိုင်အောင် ရေးနိုင်၏ ။ စာရေးဆရာ၊ သတင်းစာဆရာများသည် ဤဂဏန်းရှင်များဖြစ်ကြ၏ ။ အချို့မှာ စကားပြော အလွန်ညံ့ခြင်း၊ မထိန်းမသိမ်း တတွတ်တွတ်ပြောတတ်သူများ တွေ့ရတတ်၏။ အခြေခံအားဖြင့် ဉာဏ်ကောင်းသူများ၊ ပျော်ရွှင်စွာနေတတ်သူများဖြစ်၏ ။ အထူးသဖြင့် မိမိနှင့် ဘဝတူသူကိုသာ ပေါင်းသင့်၏ ။ ။

(၁) ဂဏန်း ၄ လုံးနှင့်အထက် ပါသူများ
ရုပ်ရောစိတ်ပါလုပ်တတ်ခြင်း၊ အနားမယူတတ်ခြင်း၊ အတွေးမြန်ဆန်ခြင်း၊ ပြုမူအောင်ရွက်ချက်များ၊ မြန်ဆန်ခြင်းကြောင့် သူတစ်ပါး၏ အထင်လွဲခြင်းကို ခံရလေံရှိ၏ ။ (၁) ငါးလုံးအတွဲသည် အကြမ်းဖက်မှုကို လိုလား၏ ။ (၁) ဂဏန်းတွဲများသည် အစားမှား၍ အဆိပ်ဖြစ်တတ်၏ ။ စိတ်ထွက်ပေါက်တစ်ခုရှာထားလျှင် အောင်မြင်တတ်၏။ ရှာမထားလျှင် တစ်ကိုယ်ကောင်း ဆန်သူများ ဖြစ်သွားတတ်၏ ။ ပြင်ပ ဆက်ဆံရေး ညံ့တတ်၏ စိတ်လိုက်မာန်ပါနှင့် လုပ်လျှင် အောင်မြင်တတ်၏ ။

(၂) ဂဏန်း
သင်၏အင်္ဂလိပ်မွေးသက္ကရာဇ်တွင် 

(2) ဂဏန်း ၁ လုံးပါသူများ။
လူတစ်ယောက်ကိုတွေ့လျှင် ထိုသူ၏ အခြေအနေမှန်ကိုသိအောင် စဉ်းစားနိုင်သူဖြစ်ခြင်း၊ မရိုးသားမှုကို ချက်ချင်းဖမ်းနိုင်သူဖြစ်၏ ။ ခံစားမှုပြင်းထန်၍ သမထအာရုံရရှိထားသူများဖြစ်တတ်၏ ။ စိတ်ကို ထိန်းချုပ်မှသာလျှင် ရုပ်ကိုမထိခိုက်နိုင်ဘဲ ရှိပေလိမ့်မည်။

သင်၏အင်္ဂလိပ်မွေးသက္ကရာဇ်တွင်
(2)ဂဏန်း 2 လုံးပါသူများ။
အလွန်မြင့်သော အာရုံခံစားမှု ၊ သမထအာရုံနိုးကြားမှုများရှိ၏ ။ သမထအာရုံသည်သူတို့အတက်လည်းကောင်း၊ သူတစ်ပါးအတွက်လည်းကောင်း လွန်စွာအသုံးဝင်၏ ။ သူ၏အကျိုးကို ဆောင်ရွက်ပေးနေသူကိုပင်လျှင် သံသယရှိနေတတ်၏ ။ ၎င်းတို့၏ အပြုအမူများသည် အနီးကပ်နေသူများကို ထိခိုက်စေ၏ ။ သူတစ်ပါး၏ ပြဿနာတွင်ဝင်မပါရ ။ ပါလျှင် ရှင်းမရဖြစ်သွားတတ်၏ ။ ။

သင်၏အင်္ဂလိပ်မွေးသက္ကရာဇ်တွင် 
(2)ဂဏန်း ၃ လုံး နှင့်အထက်ပါသူများ။
ဘဝ၌ ရှုပ်ထွေးစေနိုင်ခြင်း၊ စိတ်မထိန်းနိုင် လုပ်လိုက်သောကြောင့် ကံဆိုးမိုးမှောင်ကျစေနိုင်၏ ။ စိတ်လိုက်မာန်ပါမလုပ်ရန် သတိပြုသင့်၏ ။ နှလုံးသားထိ မခံစားမိစေရန် အထူးလေ့ကျင့်ထားသင့်၏ ။ အထီးကျန်သမားများဖြစ်သွားတတ်၏ ။ ခံစားမှုပြင်းထန်သောကြောင့် ရုပ်ထိခိုက်နိုင်စေ၏ ။ အကြံပေးလိုသည်မှာ ဂီတကို လိုက်စားသင့်၏ ။ သို့မသာလျှင် ထွက်ပေါက်တစ်ခု ရရှိပေလိမ့်မည်။

(၃)ဂဏန်း
သင်၏အင်္ဂလိပ်မွေးသက္ကရာဇ်တွင် 

(3)ဂဏန်း ၁ လုံးပါသူများ။
စိတ်ကူးအလွန်ကောင်းသူဖြစ်၏ ။ လက်တွ့အကောင်အထည်ဖော်ခဲ၏ ။ နေ့စဉ်လူနေမှုအခက်အခဲကို ရင်ဆိုင်နိုင်သူများ ၊ အကောင်းမြင်သမားများ၊ စိတ်ဓာတ်ကြံ့ခိုင်သူများ၊ ရင်းရင်းနှီးနှီးပေါင်းသင်းဆက်ဆံသူကို ဘဝတစ်လျှောက်လုံး စောင့်ရှောက်သွားသူဖြစ်၏ ။ ။

သင်၏အင်္ဂလိပ်မွေးသက္ကရာဇ်တွင် 
(3)ဂဏန်း ၂ လုံးပါသူများ။
သူတစ်ပါးနှင့်မတူအောင်နေတတ်၏ ။ လူအများနှင့်ဆိုင်သော အလုပ်တစ်ခုကို ပြီးစီးအောင် လုပ်သွားတတ်ကြ၏ ။ အတွေးကို စကားလုံးနှင့်ဖော်ပြရာ၌ အလွန် ကောင်း၏ ။ စာရေးကောင်း၏ ။ လူမှုဆက်ဆံရေးတွင် တစ်ခါတရံ၌ အခက်အခဲရှိကြောင်း သဘောပေါက်သင့်၏ ။

သင်၏အင်္ဂလိပ်မွေးသက္ကရာဇ်တွင်
(3)ဂဏန်း ၃ လုံး နှင့် အထက် ပါသူများ။
စိတ်ဓာတ်အားကောင်းသော်လည်း စိတ်ကူးရေလျင်ကြောတွင် နစ်မျောနေခြင်းမဖြစ်စေရန် သတိထားသင့် ၏ ။ ဗဟုသုတစုဆောင်းခြင်း၊ မိမိကိုယ်ကို အထင်ကြီးနေတတ်ခြင်း၊ စိတ်ကူးနှင့်ရူးနေတတ်သူများလည်းဖြစ်တတ်၏ ။ ကောင်းကင်ဆန်နေသူဖြစ်၏ ။ အကောင်းဆုံးမှာ ကောင်းကင်မှမြေကြီးသို့ အမြန်ဆင်းရန်ဖြစ်၏ ။

(၄)ဂဏန်း

သင်၏အင်္ဂလိပ်မွေးသက္ကရာဇ်တွင် 

(4)ဂဏန်း ၁ လုံးပါသူများ။
လွန်စွာစည်းရုံးကောင်းသူဖြစ်၍ သူ့အနားတွင် လူများ ပတ်ပတ်လည်နေတတ်၏ ။ သူတစ်ပါး၏ အကြံကို လည်း လက်ခံတတ်၏ ။ လက်မှုပညာ ကျွမ်းကျင်၏ ။ ဂီတဓာတ်ခံပါရမီရှိ၏ ။ စိတ်ဓာတ်စိတ်ကောင်းရှိ၏ ။

သင်၏အင်္ဂလိပ်မွေးသက္ကရာဇ်တွင် 
(4)ဂဏန်း ၂ လုံးပါသူများ။
စည်းရုံးသိမ်းသွင်းနိုင်သော အရည်အချင်းရှိ၏ ။ အလုပ်တစ်ခုကိုစပြီးလျှင် ပြီးဆုံးအောင်လုပ်တတ်၏ ။ ၀ါသနာ ကြောင့်ပဲလုပ်လုပ်၊ အလုပ်သဘောပဲလုပ်လုပ် လက်မြောက်ကြသူများဖြစ်၏ ။ အနုပညာ၊ ပန်းပု၊ အိုးအလှ၊ ငွေထည်၊ သတ္တုလုပ်ငန်းလုပ်သူများအဖြစ်တွေ့ရ၏ ။ သူတို့နှင့်ဆက်ဆံရာတွင် တိတိကျကျလုပ်သင့်၏ ။ သူတို့ဘဝတွင် အကြပ်အတည်းနှင့်နေခဲ့ကြရ၏ ။ မသပ်မရပ်ဝတ်ဆင်လျှင် မတိကျသူဟု သတ်မှတ်ရမည်။ ၎င်းတို့အား ဖိနှိပ်ရန်ခက်ခဲ၏။

သင်၏အင်္ဂလိပ်မွေးသက္ကရာဇ်တွင် (4)ဂဏန်း ၃ လုံးပါသူများ။
စည်းရုံးရေးကောင်းများဖြစ်၏ ။ မည်သည့်အလုပ်ကိုဖြစ်စေ လုပ်လျှင် လက်မြောက်သည်။ သို့ရာတွင် ထိုအလုပ်ကို လုပ်ခဲ၏ ။ လက်မှုပညာ၊ ဂီတအရာ၌ ကျွမ်းကျင်၏ ။ ဘဝတွင် ထွက်ပေါက်အဖြစ် အနုယုဘဂီတကို လိုက် စားသင့်၏ ။ သို့မဟုတ်ပါက ခက်ထန်ကြမ်းတမ်းမည်။ စိတ်အားထက် ရုပ်အားကောင်းသူများဖြစ်၏ ။ ရှေးခေတ်က ကျေး ကျွန်းများကို ရိုက်နှက်ခိုင်းစေသူများ slave driver ဖြစ်ကြ၏ ။

(၅)ဂဏန်း

သင်၏အင်္ဂလိပ်မွေးသက္ကရာဇ်တွင် 

(5)ဂဏန်း ၁ လုံးပါသူများ။
အားလုံးနှင့် သင့်မြတ်၏ ။ သူများ အလုပ်နှစ်ဆလုပ်နိုင်အောင် တွန်းပို့နိုင်၏။ လွတ်လပ်မှုကိုမြတ်နိုး၏ ။ အိမ်တွင်းရေးမသာယာမှုများ ကြုံမည်။ သူတစ်ပါး၏ ပြဿနာကို ဖြေရှင်းနိုင်သော်လည်း မိမိပြဿနာကို မဖြေရှင်းနိုင် သော ဂဏန်းပိုင်ရှင်ဖြစ်၏ ။

သင်၏အင်္ဂလိပ်မွေးသက္ကရာဇ်တွင် 
(5)ဂဏန်း ၂ လုံးပါသူများ။
( ၅ ) လုံးသမား၏ နှစ်ဆဖြစ်၏ ။ အရက်သေစာ၊ ဆေးစွဲတတ်ခြင်း၊ ကာမဂုဏ် လိုက်စားတတ်သည်။ စိတ်ပေါ့လက်ပေါ့နေတတ်၏ ။

သင်၏အင်္ဂလိပ်မွေးသက္ကရာဇ်တွင် 
(5)ဂဏန်း ၃လုံးနှင့် အထက် ပါသူများ။
ချူပ်ကိုက်ရန် အလွန်ခက်၏ ။ ဦးဆောင်သောသူလည်း ဖြစ်၏ ။ လိုချင်သောအရာကို ရအောင်ယူနိုင်၏ ။ ရေရှည်အတွက်သာ စဉ်းစားသင့်၏ ။ ခက်ခဲသောအလုပ်ကြီးကို လွယ် လွယ်ကူကူလုပ်နိုင်၏ ။ နဂိုအချစ်ထက အပိုအချစ်ကို ရှာတတ်၏ ။ အချစ်နှင့် အန္တရာယ်ကို ကြုံ တွေ့ရလေ့ရှိ၏ ။ အများ အားဖြင့် လူမုန်းများ၏ ။

(၆) ဂဏန်း

သင်၏အင်္ဂလိပ်မွေးသက္ကရာဇ်တွင် 

(6)ဂဏန်း ၁ လုံးပါသူများ။
ပတ်ဝန်းကျင်နှင့် မိမိအိမ်ကို မြတ်နိုးတတ်သူများ၊ မိသားစုတာဝန်ကို ကျေပွန်သူများ၊ ကလေးနှင့် အသက် ကြီးရွယ်အိုးသူများအား တောင့်ရှောက်တတ်ကြ၏ ။ ၎င်းတို့အဖို့ အိမ်တွင်းရေး ပြဿနာများသည် ဒုက္ခတွေ့လှပြီဖြစ်၏ ။ မိဘအုပ်ထိန်းသူကောင်းများဖြစ်တတ်၏ ။ နောက်ဆုံး၌ အထီးကျန်များဖြစ်သွားတတ်၏ ။

သင်၏အင်္ဂလိပ်မွေးသက္ကရာဇ်တွင် 
(6)ဂဏန်း 2 လုံးပါသူများ။
အလွန်ချုပ်ချယ် သောမိဘမှမွေးဖွားလာပြီး ကိုယ်တိုင်မိဘဖြစ်သောအခါ သားသမီးကို ချုပ်ချယ်မည်။ သို့ရာတွင် မိသားစုနှင့် ဆန့်ကျင် ဘက်ဖြစ်၍ ထွက်ခွာသွားရတတ်၏ ။ ဘဝနေနည်းထိုင် နည်းနှင့် ပတ်သက်၍ မသိသူများဖြစ်၏ ။ စိတ်အလိုလိုက်မှု ကြောင့် ရုပ်ခန္ဓာဒုက္ခရောက်တတ်၏ ။

သင်၏အင်္ဂလိပ်မွေးသက္ကရာဇ်တွင် 
(6)ဂဏန်း ၃ လုံးနှင့် အထက် ပါသူများ။
စိုးရိမ်စိတ်လွန်၍ ဒုက္ခတွေ့တတ်၏ ။ အဆိုးဘက် တွေးတတ်၏ ။ မလိုအပ်ဘဲ ပြဿနာရှာတတ်၏ ။ ၀ါသနာပါရာ လုပ်ငန်းကို လုပ်သင့်၏ ။

(၇) ဂဏန်း

သင်၏အင်္ဂလိပ်မွေးသက္ကရာဇ်တွင် 

(7)ဂဏန်း ၁ လုံးပါသူများ။
အစတေးခံသူများဖြစ်၏ ။ ပြဿနာကြံုတွေ့လျှင် ရင်ဆိုင်ဖြေရှင်းနိုင်မည်ဟု ယုံထားပါ။ ဘဝအတွ့ အကြံု များသည် ။ အတွေ့အကြံုများသည် ၎င်းတို့၏ ဆရာသမားများဖြစ်၏ ။

သင်၏အင်္ဂလိပ်မွေးသက္ကရာဇ်တွင်
(7)ဂဏန်း ၂ လုံးပါသူများ။
ဘဝအခက်အခဲ မည်မျှကြီးမားသည် ဖြစ်စေ ဖြေရှင်းနိုင်မည်။ အတွင်းဓာတ်ခံ မနောစွမ်းအားကောင်း၏ ။ အခြေအနေကို အကွက်ရိုက်၍ အသုံးချတတ်၏ ။ ထို့ကြောင့် ရွှေသော့ကိုင်ထားသကဲ့သို့ အရာရာကို ဖွင့်နိုင်၏ ။ ဂီတဓာတ်ခံပါသူများဖြစ်သည်။

သင်၏အင်္ဂလိပ်မွေးသက္ကရာဇ်တွင် 
(7)ဂဏန်း ၃ လုံး နှင့်အထက် ပါသူများ။
တိုးတက်ဖြစ် ထွန်းမည်။ လောကီပညာကို အထူးစိတ်ဝင်းစား၏ ။ ကောင်းစွာစိတ်ကို ထိန်းသိမ်း၍ လိုက်စားပါက ပေါက်မြောက်သွား နိုင်သည်။ တစ်ခါတရံ၌ စိတ်ဓာတ်ကျသွားတတ်၏ ။ ထိန်းသိမ်းပါ။

(၈)ဂဏန်း

သင်၏အင်္ဂလိပ်မွေးသက္ကရာဇ်တွင် 

(8)ဂဏန်း ၁ လုံးပါသူများ။
သပ်သပ်ရပ်ရပ်နှင့် စနစ်တကျ နေထိုင်တတ်ကြသူများဖြစ်၏ ။ အလုပ်ကို ပြီးဆုံးအောင် မလုပ်ဘဲ ထွက်သွားတတ်ကြ၏ ။ ထို့ကြောင့် ( ၈ ) တစ်လုံးသမားကို Rolling Stone ဟုခေါ်သည်။

သင်၏အင်္ဂလိပ်မွေးသက္ကရာဇ်တွင် 
(8)ဂဏန်း ၂ လုံးပါသူများ။
သူတစ်ပါးနှင့် ဆက် ဆံရာ၌ အာဏာသံမပါရန် ဂရုစိုက်ပါလေ ။ သူတစ်ပါးကို အယုံအကြည်နည်းသူများဖြစ်၏ ပတ်ဝန်းကျင်အပြောင်းအလဲ လွန်စွာလိုလား၏ ။

သင်၏အင်္ဂလိပ်မွေးသက္ကရာဇ်တွင် 
(8)ဂဏန်း ၃ လုံးနှင့် အထက်ပါသူများ။
လွန်စွာရှားပါးသော ဂဏန်းတွဲဖြစ်၏ ။ ငယ်စဉ်က ဘဝအပြောင်းအလဲများ၍ လူလတ်ပိုင်း တွင် တည်တည်ငြိမ်ငြိမ်ဖြစ်သွားတတ်သည်။ ငွေရှာသောလောကတွင် အောင်မြင်သူဖြစ်၏ ။ မှန်မှန်ကန်ကန်ဘဝတွင် လျှောက်သွားလျှင် အောင်မြင်နို်င်မည်။ ငြိမ်းချမ်းမှုကိုရရန် ခက်ခဲလှ၏ ။ အထူးဂရုစိုက်ပါ။

(၉) ဂဏန်း

သင်၏အင်္ဂလိပ်မွေးသက္ကရာဇ်တွင် 

(9)ဂဏန်း ၁ လုံးပါသူများ။
အသစ်အဆန်းများ ရှာဖွေတတ်၏ ။ ရုပ်အားသန့်၏ ။ စိတ်အားဖြည့်လိုက်လျှင် အလွန်ထူးချွန်မည်။

သင်၏အင်္ဂလိပ်မွေးသက္ကရာဇ်တွင် 
(9)ဂဏန်း ၂ လုံးပါသူများ။
လွန်စွာကြီးမားသော စိတ်စွမ်းအားရှိသူများ၊ တစ်စုံတစ်ရာကို ထားခဲ့နိုင်မည့်သူများ၊ ပညာရှိများ၊ ဒဿနဆရာ များ ဖြစ်တတ်၏ ။ မည်သည့်အရာကို မည်သို့ဖြစ်မည်ကို မေးခွန်းထုတ်လေ့ရှိ၏ ။ အလွှာပေါင်းစုံမှလူများနှင့် ဆက်ဆံ တတ်၏ ။ စိတ်အားကို ချုပ်သုံးရသောကြောင့် နေ့စဉ် လေ့ကျင့်ခန်းလုပ်သင့်၏ ။

သင်၏အင်္ဂလိပ်မွေးသက္ကရာဇ်တွင် 
(9)ဂဏန်း ၃ လုံးနှင့် အထက်ပါသူများ။
စိတ်စွမ်းအင်ကောင်း၏ ။ သို့သော် အလွန်ဆူပူ သောင်းကြမ်း တတ်သည်။ အံ့သြလောက်အောင် စိတ်ဓာတ်နှင့် ပတ်သက်၍ ခိုင်မာပြင်းထန်သူ များဖြစ်သည်။
 

​